காட்சி: 8
பாத்திரங்கள் : வ.உ.சி, சிவம், தொழிலாளர்கள்
வ.உ.சி.:
வந்தே மாதரம்!
சிவம்:
வந்தே மாதரம்!!
குழு:
வந்தே மாதரம்! வந்தே
மாதரம்!!
வ.உ.சி.:
எரிப்போம் எரிப்போம்...
அந்நியப் பொருட்களை
எரிப்போம்.
குழு:
எரிப்போம்
எரிப்போம்... அந்நியப் பொருட்களை எரிப்போம்
வ.உ.சி.:
காப்போம் காப்போம்...
சுதேசிப் பொருட்களைக்
காப்போம்
குழு:
காப்போம்
காப்போம்... சுதேசிப் பொருட்களைக் காப்போம்
வ.உ.சி.:
ஆயிரம் உண்டிங்கு
ஜாதி... இதில்
அந்நியர் வந்துபுகலென்ன
நீதி?
குழு:
ஆயிரம் உண்டிங்கு
ஜாதி... இதில்
அந்நியர் வந்து
புகலென்ன நீதி?
வ.உ.சி.:
எரிப்போம் எரிப்போம்...
அந்நியப் பொருட்களை
எரிப்போம்.
குழு:
எரிப்போம் எரிப்போம்...
அந்நியப் பொருட்களை
எரிப்போம்
வ.உ.சி.:
காப்போம் காப்போம்...
சுதேசிப் பொருட்களைக்
காப்போம்
குழு:
காப்போம் காப்போம்...
சுதேசிப் பொருட்களைக்
காப்போம்
வ.உ.சி.:
வந்தே மாதரம்!
சிவம்:
வந்தே மாதரம்!!
குழு:
வந்தே மாதரம்!
வந்தே மாதரம்!!
சிவம்:
பிள்ளையவர்களே... கலெக்டர் விஞ்ச் துரையிடமிருந்து நமக்கு
தாக்கீது வந்திருக்கிறது.
வ.உ.சி.:
என்னவாம்?
சிவம்:
உடனே நெல்லை
சென்று அவரை
சந்திக்க வேண்டுமாம்.
வ.உ.சி.:
அதற்கென்ன? பார்த்தால்
போயிற்று.
சிவம்:
ஒவ்வொரு முறை
அவர்கள் அழைக்கும்
போதும் ஒரு
சந்தேகம் கூடவே
எனக்கு வருகிறது.
வ.உ.சி.:
மிஞ்சிப் போனால்
சிறையில் அடைப்பார்கள்
... வேறென்ன செய்ய முடியும் அவர்களால்?!
சிவம்:
நம் போராட்டத்தை
ஒடுக்கி விடுவார்கள்.
அவர்களது மிரட்டல்களுக்கு
நாம் வேண்டுமானால்
அஞ்சாமல் இருக்கலாம்.
ஆனால் அப்பாவி
மக்கள் பயந்து
விடுவார்களே...
வ.உ.சி.:
அதற்காக... பார்க்காமல்
போனால் இன்னும்
அதிகம் தொல்லை
தரத்தான் போகிறார்கள்.
இந்த சிறிய
தொல்லைகளை சந்திக்க
பயந்தால் பெரும்
தொல்லைகளை எதிர்கொள்ள
வேண்டிவரும்.
சிவம்:
இந்த முறை
நானும் உங்களுடன்
வருகிறேனே...
வ.உ.சி.:
ம்ம்ம்... அதற்கென்ன
வாரும்.
காட்சி: 9
பாத்திரங்கள் :
வ.உ.சி, சிவம், விஞ்ச்
வ.உ.சி.:
எதற்காக எங்களை
அழைத்தீர்கள்?
விஞ்ச்:
மிஸ்டர் சிதம்பரம்,
நீங்கள் தொடர்ந்து
அரசுக்கு எதிராக
அவதூறாக பேசியும்
செயல்பட்டும் வருகிறீர்கள். உங்கள் மீது எப்போது
வேண்டுமானாலும் நடவடிக்கை எடுக்க வேண்டி வரும்.
வ.உ.சி.:
உங்கள் மீது
அவதூறாக என்ன
சொல்லப்பட்டது?
விஞ்ச்:
எங்கள் நாட்டுத்
துணிகளை எரிப்பதும்,
பொருட்களை விற்பனை
செய்ய விடாமல்
தடை செய்வதும்
இராஜ துரோகம்.
சிவம்:
நீங்கள் இந்த
மாவட்டத்தின் கலெக்டர் என்று ஒருசிலர் நினைத்துக்
கொண்டிருக்கிறார்கள். ஆனால் நீங்கள்
வியாபாரிகளின் கலெக்டர் என்று புரிகிறது.
விஞ்ச்:
சந்நியாசி என்றால்
அடக்கமாக இருக்க
வேண்டும். இல்லையேல்
நாங்கள் தான்
அடக்க வேண்டி
வரும்.
சிவம்:
நான் சந்நியாசியுமில்லை;
சம்சாரியுமில்லை; போராளி! இந்த நாட்டின் விடுதலைப்
போராளி.
விஞ்ச்:
முடிவாகச் சொல்கிறேன்.
விபின் விடுதலைப்
பெருவிழாவை நிறுத்த வேண்டும். எங்கள் நாட்டுப்
பொருட்களை எரிப்பதை
நிறுத்த வேண்டும்.
இல்லையேல் நீங்கள்
கைது செய்யப்
படுவீர்கள்.
வ.உ.சி.:
நீங்கள் உங்கள்
நாட்டுப் பொருட்களை
இங்கு விற்பனை
செய்வதை நிறுத்த
வேண்டும். எங்கள்
நாட்டுப் பொருட்களை
நீங்கள் உரிய
விலை கொடுத்து
வாங்க வேண்டும்
செய்வீர்களா?
விஞ்ச்:
ம்ஹும்... நீங்கள்
இருவரும் அடங்க மாட்டீர்கள்.
போலீஸ்... அரெஸ்ட்
தெம்.
வ.உ.சி.:
வந்தே மாதரம்!
சிவம்:
வந்தே மாதரம்!
வ.உ.சி.:
வந்தே மாதரம்!
சிவம்:
வந்தே மாதரம்!
கருத்துகள் இல்லை:
கருத்துரையிடுக
<a href='http//www.google.co.in/transliterate/indic/Tamil">தமிழில் எழுத----Click Here</a>